“Khana kha k jana”

Bistar pe leta hua Remote se k channel badal rha tha. Dhyan nahi tha mera TV dekhne mein par dhyan lagana chahta tha. Bas kuch aur sochna chahta tha, par samne pade Shruti k shaddi ka card bar bar mera dhyan apni aur kich rha tha.

Shruti… Shruti Sen. Kafi saal ho chuke the humme alag hue. Shayad who bhi uss waqt mujhse utna hi pyar krti thi jitna mai karta tha usse. Par abb nahi Shayad. Uski shaddi ho rahi thi.

Maine TV band kar k woh card utha liya. Agar uss din itna kuch na hua hota to aaj mera naam hota iss card par. Card ko seene se lga aankhen band kar li maine. Aur kho gya purani yaado mein.

“Samjha karo, Mai abb tumse pyar nahi karti. Tumhare liye jo feelings thi mere andar sab kam ho gayi.” Shruti Chilla rahi thi..

“Mazak ha kya jo hamare bich ha, main to aaj bhi waisa hi feel karta hoon. “ Maine bhi chilla k shruti ko jawab diya.

“Tum mere jaise nahi ho. Hum bahut alag ha, par woh, who bilkul mere jaisa ha.”

“Acha tumhare jaisa ha, thik ha Main jaa rha hu. Aaj se sab khatam” Maine Jawab diya aur Darwaza patak k bahar aa gya.

Meri aankh khul gayi. Uss din k baad se Shruti ka chehra kabhi nahi dekha maine. Kabhi Kabhi social networking websites pe baatein zarur hui thi. Aur Aaj usne Shaddi ka card bhej diya, kuch bechain sa ho gaya tha.

Kuch socha aur uth k khada ho gaya, cupboard se kapade nikale aur tayyar hone laga. Bahut bhag liya, Kabhi yeh soch hi nahi paya k sab khatam ho gaya tha Shruti aur mere bich. Par aaj usse shaddi karta hua dekh main maan lu.

Pahuchte hue mujhe kuch der ho gayi thi. Shruti aur ladka Mandap pe baithe hua the. Bahut himmat kar k main dusri line pe baitha. Usse nazare bhi nahi milana chahta tha aur usse dekhe bina reh bhi nahi paa rha tha.

Aaj phir Shruti utni hi sundar lag rahi thi jitni who pehle din lag rahi thi. Aaj woh kuch zada hi kush thi, Zahir si baat ha uske zindagi ka sabse bada din tha. Kabhi Ghunghat sambhalti, Kabhi mehnadi lagi hattho mein bajti uski chudiyan aur kabhi apne saheliyon ko sare karti Meri Shruti. Bas baith k yahi dekh rha tha main. Kuch hi samay bacha tha jab mai Shruti ko Meri Shruti bol sakta tha.

Phere shuru ho gaye the, Khud ko rok nahi paya. Meri aankhen gili ho gayi. Phir bhi khud ko smabhalne k kosish k. Rumal se aankh poch kar jab Shruti k taraf dekha to, who bhi meri aur dekh rahi thi. Do second k liye to mere saanse ruk gayi.

Thumps ka isara karta hua muskara diya maine. Aur nahi dekh sakta tha main. Aur nahi rok sakta tha khud ko main. Uth k jaane laga. Haatho se apni aakhen pochi aur chal pada.

“Tushar….” Shruti chillayi.

Maine palat k dekha, Shruti Phero k bich mein ruk k mujhe awaz de rahi thi. Sare log bas mujhe aur Shruti ko dekh rahe the. Shruti ne mujhe dekha phir sabko. Kuch kehte kehte ruk gayi who. Kuch der khamosi si thi.

“Khana kha k jana” Shruti ne kuch der baad bola.

Bas itni si kahani thi meri 

Chori k Deep

Bas itni si kahani ha meri :)

Kal diwali ka tayohar tha. Maine jaldi jaldi office ka kaam niptaya aur nikal pada bazaar k taraf diwali k shopping karne. Waise rehta akela tha parivar se dur par har tayohar ko maa jaise manti thi waise manata tha. Maa jitni tayyariyan to nahi kar pata tha par jitna bas mein hota tha woh zarur karta tha.

Ek mitti k bartan k dukan pe se do bade diye bahar wali gate k liye aur bagal k dukan se kuch mithaiyan li. Aur chal pada.

Yun to diwali kal thi par khud ko rok na paya, aur akela khali flat bhi katne ko dauta tha to socha aaj se hi diye bahar wali gate pe jala du.

Diye jalane k baad ek sukun sa mila, laga aaj main akela nahi hu ghar se dur. Mere saath mere yeh deep ha. Ek-do pictures bhi li and gharwalo ko bheja.

Agle din subah uth k sabse pehle maine socha k deep ko andar leke thoda tel daal du par jaise hi maine darwaza khola dekha woh wahan nahi ha. Gayab the mere deep. Apne floor k gallery mein dekha par kahin nahi dikhe woh. Maine socha shayad saaf safai krne walo ne galti se phek diya hoga. Shaam ko jake aur kch deep lete aaunga.

Shaam ko aasman mein diwali k gunj aur chamak do the. Maine naye kharide diyo mein tel daal k gate k aage rakh diya aur sare ghar ko saza diya. Phir lag gaya sare rishtedaro ko phone karne, "happy Diwali".

Pata nahi sabse baat krte hue kitna waqt nikal gaya. Raat ko main gate khol k dekha toh phir se mere deep gayab the.

Mera matha thanka, koi mere diye chura rha ha par aakhir kaun. Mai dukhi mann se wapas andar aa gya sone " par kisne chori kiye mere diye", yeh khayal mere mann se jaa hi nahi paa rha tha.

Agle din choti diwali thi, aaj phir woh diyo ka chor aayega aur main usse range haatho pakdunga. main badi besabri se shaam ka intezar krne lga.

Shaam hote hi maine phir se do bade diye lagaye, Aur saath mein kuch mithayian bhi chor di. Aur baith gaya darwaze k samne kaan lagaye hue.

ek ghanta bita, do ghanta bita, teen ghanta beeta, mai wahin baitha raha par koi nahi aaya aur meri aankh lag gayi.

"Dharaaam"   kuch awaz hui aur meri aankh khuli, shayad woh deep ka chor phir se aaya hoga, maine jhat se darwaza khola. Ek aadmi bhag rha ha tha, hari rang k shirt piche se shayad thodi se phati hi thi, Main dauda uske piche par tab tak woh pahuch k bahar tha.

Mai mayaush hoke wapas aane laga aur soch rha tha woh chor bas raati bhar k deri se chut gaya.

Maine gate band kiya par shayd kuch phasa hua tha jo rok rha tha, niche dekha to ek chitti si thi phasi hui. Maine chitti uthayi aaur padhne laga.


" Shahab, maaf kar dijiyega maine aapke deep churaye. Mujhe pata ha yeh galat ha par mai bahur garib hoon aur itne paise nahi ha mere paas k apne char bacho ka pet palo aur diwali k din ghar mein deep jalau issliye maine aapke deep churaye.
App akle rehte ho aur shayad aapko ek diwali deep na mile to chalega aur waise bhi aap aadhe ghante baad darwaza band kar lete ho to eep jalane ka koi matlab nahi ha. Par mere bacho ne dekha to woh bahut khush hue, bahut chote se ha woh nahi samjhte kahan se aaye yeh. Main aapke samne aake aapko shukriya to nahi kar sakta par aapke 6 deepo ne mere bacho k cehre k ek muskan laa di jisko koi mol nahi ha. Shukriya"

ek muskan se aa gayi cehre pe, socha chalo kisi k diwali to achi beeti mere deepo k beech se. maine bhi woh panna palta aur phekne laga. Par gilli si shihayi thi piche aur shayad uss aadmi ne abhi 10 min pehle kuch likha tha. Maine pnudha hua panna phr se khola aur palat k dekha, uss par kuch likha hua tha...

"Kya shahab aapne bas teen mithai chore the mere char bache ha, do rupaye kharch karwa diye. "


Bas itni si kahani thi meri :)